పుకార్లకు చెక్ పెట్టిన ఎన్టీఆర్, కల్యాణ్ రామ్

కల్యాణ్ రామ్ నటించిన 'ఎమ్మెల్యే' సినిమా విడుదలకు ముందు జరిగిన ఆడియో ఫంక్షన్ కు జూనియర్ ఎన్టీఆర్ హాజరవుతాడని అందరూ భావించారు. అయితే, కొత్త సినిమా మేకోవర్ బయటపడకూడదనే ఉద్దేశంతో ఎన్టీఆర్ ఆ ఫంక్షన్ కు హాజరవలేదు. అయితే, 'భరత్ అనే నేను' సినిమా బహిరంగ సభకు మాత్రం హాజరయ్యాడు.

దీంతో, ఎన్టీఆర్, కల్యాణ్ రామ్ ల మధ్య విభేదాలు తలెత్తాయనే వార్తలు వచ్చాయి. ఈ వార్తలన్నిటికీ అన్నదమ్ములు చెక్ పెట్టారు. కల్యాణ్ రామ్ కొత్త సినిమా ప్రారంభోత్సవానికి ఎన్టీఆర్ హాజరయ్యాడు. దీంతో,  పుకార్లకు ఫుల్ స్టాప్ పడినట్టయింది. ఈ ఫంక్షన్ కు నందమూరి హరికృష్ణ కూడా వచ్చారు.